‘काळोखातील सावली’ ही आयडा बॅरेटो यांची लघुकादंबरी जागृत आदिशक्तीबद्दलची आहे. बुकगंगा पब्लिकेशन्सने ई-बुक स्वरूपात ती प्रकाशित केली आहे. या कादंबरीचा अल्प परिचय... .........
‘काळोखातील सावली’ ही एक काल्पनिक लघुकादंबरी आहे. कधी कधी एखादी आराधना मनःपूर्वक केल्याने एखादी आदिशक्ती जागृत होते. या जागृत झालेल्या आदिशक्तीचे बरे-वाईट परिणाम होतात. सावलीदेवी ही अशीच एक आदिशक्ती आहे. ती जागृत असल्यामुळे तिचा कोप झाल्यावर ती किती विनाशकारी होऊ शकते, याचे वर्णन ‘काळोखातील सावली’ या लघुकादंबरीत आले आहे.
एकलव्य पर्वताच्या गुहेत राहणारी सावलीदेवीच्या कृपेमुळे वांझ स्त्रियांना मुले होतात. त्यामुळे ती लोकांमध्ये पूज्य आहे. परंतु याच लोकांमुळे तिचे वेगळेच असे एक अस्तित्व जागृत होते. तिच्या या बदललेल्या जागृत अस्तित्वाचा भयंकर परिणाम एका सामान्य कुटुंबावर कसा होतो, याची कथा म्हणजे ‘काळोखातील सावली’ ही लघुकादंबरी.
वळचणीच्या सावल्या, जाधवाचा वाडा, तांबड्या आजीचे सारवलेले अंगण, सोनसळी, शंखातून उमटलेला ध्वनी, सातमाईंचे रान या कादंबऱ्यादेखील आयडा बॅरेटो यांनी लिहिल्या आहेत.
(‘काळोखातील सावली’ या कादंबरीचे ई-बुक ‘बुकगंगा डॉट कॉम’वरून खरेदी करण्यासाठी खालील लिंकवर क्लिक करा.)
(आयडा बॅरेटो यांच्या अन्य कादंबऱ्या खरेदी करण्यासाठी खालील लिंकवर क्लिक करा.)